Петропавлда кілемге оралған жоғалған ер адамның мәйіті табылды, деп хабарлайды Alash.kz.
47 жастағы ер адам 6 қаңтардан бері із-түзсіз жоғалғандар тізімінде болған.
Шамамен екі аптадан кейін оның денесі Петропавл қаласында табылды.
19 қаңтар күні жоғалған адамның мәйіті жалға алынған үйдің ауласынан табылды.
Белгілі болғандай, ер адамның арқасы мен мойнына пышақ жарақаты салынған, ал мәйіт кілемге оралған.
Тергеу барысында ер адамды 6 қаңтар күні өлтіргені анықталды. Екі танысы жанжал кезінде бірге ішімдік ішкен жолдасын пышақтап өлтірген.
Қылмысты жасыру үшін олар мәйітті қардың астына көміп тастаған.
Полиция 30 және 70 жастағы Петропавл қаласының екі тұрғынын ұстады.
Күдіктілер уақытша ұстау изоляторына қамалды.
