18 жасар “Қайрат” қақпашысы Шерхан Қалмұрза Португалиялық “Спортинг” капитаны Мортен Юльманнның пенальтиін қайтарды, деп жазады Alash.KZ.
“Қайрат” сапында Отандық премьер-лигада бір апта бұрын дебют жасаған ойыншы Чемпиондар лигасында да алғаш болып алаңға шығып, командасын қауіпті сәттен құтқарды.
Лиссабонда өткен матчта алматылық клуб 4:1 есебімен жеңіліс тапты.
Еске салсақ, Шерхан Қалмұрза Қайрат-Ақтөбе матчында “қаһарман қақпашы” атанған Темірлан Анарбековтің төменгі жағы мен ақыл тісі сынып, ауыр жарақат алғаннан кейін ойынға араласты.
