100-ден астам адам қаза тапты: Африкада алтын кеніші опырылды

Орталық Африка Республикасында қолмен алтын өндіретін кеніштің опырылуы салдарынан 100-ден астам адам қаза тапты. Бұл туралы Reuters агенттігі хабарлады, деп жазады Alash.KZ.

Прокурор Камерун шекарасына жақын орналасқан Замбойе ауылындағы шахтаның опырылғанын растады. Оның айтуынша, қаза тапқандардың нақты саны мен оқиғаның басқа да мән-жайлары әлі анықталып жатыр.

Камерун билігі шекара арқылы елге өткен зардап шеккендердің барлығын қабылдап, оларға медициналық көмек көрсетуге дайын екенін мәлімдеді.

Шағын ауқымды, қолмен кен өндіру Африканың көптеген өңірінде халықтың негізгі күнкөріс көздерінің бірі саналады. Алайда бұл саланың жеткілікті деңгейде реттелмеуі және қауіпсіздік талаптарының сақталмауы адам өліміне әкелетін қайғылы оқиғалардың жиі орын алуына себеп болып отыр.